The Arbitration Council

• អាជ្ញាកណ្តាលមកពីបញ្ជីក្រសួងការងារ
• អាជ្ញាកណ្តាលមកពីបញ្ជីកម្មករនិយោជិត
• អាជ្ញាកណ្តាលមកពីបញ្ជីនិយោជក

(ប្រវត្តិរូបសង្ខេបអាជ្ញាកណ្តាល ខ្មែរ | អង់គ្លេស)

ក្រុមប្រឹក្សាអាជ្ញាកណ្តាល មានរចនាសម្ព័ន្ធត្រីភាគី មានន័យថាក្រុមប្រឹក្សាអាជ្ញាកណ្តាល មានសមាសភាព អាជ្ញាកណ្តាលចំនួន ៣០រូប ដែលត្រូវបានតែងតាំងក្នុងចំនួនសមាមាត្រគ្នា ដោយក្រុមភាគីដែលមាន ប្រយោជន៍ពាក់ពន្ធ័ទាំងបី រួមមានសហជីព សមាគមនិយោជក និងក្រសួងទទួលបន្ទុកវិស័យការងារ។ 

ក្រុមអាជ្ញាកណ្តាលមួយក្រុម ដែលមានអាជ្ញាកណ្តាលចំនួន ៣ រូប ដោយអាជ្ញាកណ្តាលពីររូបត្រូវបានជ្រើស តាំងដោយភាគីផ្ទាល់ នឹងធ្វើសវនាការលើសំណុំរឿងនីមួយៗដែលត្រូវបានបញ្ជូនមកកាន់ក្រុម ប្រឹក្សាអាជ្ញា កណ្តាល។ អាជ្ញាកណ្តាលទាំងពីររូប ដែល ត្រូវបានជ្រើសតាំងដោយភាគីទាំងពីរ នឹងជ្រើសរើសអាជ្ញាកណ្តាល ទីបី (ប្រធានក្រុមអាជ្ញាកណ្តាល )។ 

អាជ្ញាកណ្តាលត្រូវបានតែងតាំងដោយផ្អែកលើគុណសម្បត្តិផ្នែកសីលធម៌ និងបទពិសោធន៍ការងារពាក់ព័ន្ធ ដ៏ទូលំទូលាយរបស់ ពួកគាត់។ សមាជិកក្រុមប្រឹក្សាអាជ្ញាកណ្តាលនាពេលបច្ចុប្បន្ននេះ មានសាវតាការងារ ផ្សេងៗគ្នាជាច្រើនរួមមានមកពីវិស័យ ច្បាប់ សហជីព សមាគមនិយោជក ផ្នែកគ្រប់គ្រង អប់រំ និង សេវា សាធារណៈ។