ភ្នំពេញ៖ នារសៀលថ្ងៃអង្គារ ទី២៣ ខែធ្នូ ឆ្នាំ២០២៥ មូលនិធិក្រុមប្រឹក្សាអាជ្ញាកណ្តាល បានរៀបចំកម្មវិធីចែករំលែកចំណេះដឹង និងបទពិសោធន៍ លើប្រធានបទ “ក្ស័យធន” ដែលធ្វើបទឧ្ទេសនាមដោយអាជ្ញាកណ្តាល អ៊ុក រី ដោយមានការចូលរួមពីសមាជិកនៃក្រុមប្រឹក្សាអាជ្ញាកណ្តាល ចំនួន ៩នាក់ (ស្រី៣នាក់) មន្ត្រីលេខាធិការដ្ឋាននៃក្រុមប្រឹក្សាអាជ្ញាកណ្តាល ចំនួន៣នាក់ (ស្រី១នាក់) និងបុគ្គលិកនៃមូលនិធិក្រុមប្រឹក្សាអាជ្ញាកណ្តាល ចំនួន ២០នាក់ (ស្រី ១១នាក់)។
កម្មវិធីចែករំលែកចំណេះដឹង និងបទពិសោធន៍នេះ គ្របដណ្តប់លើចំណុចសំខាន់ៗ ដូចខាងក្រោម៖
១) និយមន័យក្ស័យធន
២) នីតិវិធីនៃការបើកសំណុំរឿង និងបិទសំណុំរឿងក្ស័យធន
៣) ការគ្រប់គ្រងវិវាទការងារក្នុងសំណុំរឿងក្ស័យធន និង
៤) សិទ្ធិនិងកាតព្វកិច្ច របស់កម្មករនិយោជិតក្នុងសំណុំរឿងក្ស័យធន”
អ្នកចូលរួមទាំងអស់ ជាពិសេសអាជ្ញាកណ្តាល បានចូលរួមពិភាក្សាស៊ីជម្រៅ និងបានផ្លាស់ប្តូរការយល់ដឹង និងបទពិសោធន៍ទៅវិញទៅមក ដើម្បីជាប្រយោជន៍ក្នុងការដោះស្រាយវិវាទការងារពាក់ព័ន្ធនឹងសំណុំរឿងក្ស័យធននៅក្រុមប្រឹក្សាអាជ្ញាកណ្តាល។