ព័ត៌មាន

មូលនិធិក្រុមប្រឹក្សាអាជ្ញាកណ្តាល ចូលរួមជាមួយកម្មករ និយោជិត និងនិយោជកប្រារព្ធទិវាពលកម្មអន្តរជាតិ

អ្វីដែលធ្វើឱ្យឱកាសនៃការប្រារព្ធទិវាពលកម្មអន្តរជាតិកាន់តែពិសេសនោះ គឺការសាទរចំពោះសមិទ្ធផលសម្រេច​បាន​របស់​កម្មករនិយោជិត។​ នៅក្នុងឱកាសដ៏វិសេសនេះ មូលនិធិក្រុមប្រឹក្សាអាជ្ញាកណ្តាល សូមចូលរួមជាមួយកម្មករ និយោជិត និងនិយោជករបស់ពួកគេពីគ្រប់វិស័យក្នុងប្រទេសកម្ពុជា ទទួលស្គាល់ និងកោតសរសើរចំពោះ​ការ​ខិត​ខំ​ប្រឹងប្រែងដ៏ធំធេងរបស់ពួកគេដែលបានចូលរួមធ្វើឱ្យសេដ្ឋកិច្ចរីកចម្រើន និងបន្តចូលរួមដោះស្រាយវិវាទ និងបញ្ហាទាំងឡាយតាមរយៈមធ្យោបាយសន្តិវិធី។ ក្នុងរយៈពេល១៩ឆ្នាំ កន្លងមកនេះ បើទោះបីជាកម្មករនិយោជិត មានសិទ្ធិក្នុងការធ្វើកូដកម្ម សិទ្ធិក្នុងការបង្កើតនិងចូលជាសមាជិកសហជីព សេរីភាពសមាគម ព្រមទាំងទទួលបានវេទិកាដោះស្រាយវិវាទដោយសន្តិវិធីដែលត្រូវបានគេស្គាល់ថា ក្រុមប្រឹក្សាអាជ្ញាកណ្តាល ក៏ទាំងអស់គ្នានៅមានការងារជាច្រើនទៀតដែលត្រូវធ្វើបន្ត ដើម្បីការពារសិទ្ធិ និងបន្តលើកស្ទួយសេរីភាពសមាគម។ មូលនិធិក្រុមប្រឹក្សាអាជ្ញាកណ្តាល ដោយ​មានការគាំទ្រយ៉ាងពេញលេញនិងមានតម្លៃពីសំណាក់ដៃគូសំខាន់របស់ខ្លួន គឺស្ថានទូតស៊ុយអែត ការិយាល័យប្រចាំទីក្រុងភ្នំពេញ បន្តប្តេជ្ញាក្នុងការផ្តល់ការការពារ និងធ្វើឱ្យប្រសើរឡើង​នូវយន្តការដោះស្រាយវិវាទដោយសន្តិវិធី​សម្រាប់កម្មករនិយោជិត និងនិយោជករបស់ពួកគេ។

ព័ត៌មាន

ACF បានរៀបចំវគ្គសំណួរ-ចម្លើយ ស្តីពីការកសាង និងដំណើរការស្ថាប័នក្រុមប្រឹក្សាអាជ្ញាកណ្តាល សម្រាប់និស្សិតមកពីសាកលវិទ្យាល័យ Chuo ប្រទេសជប៉ុន

នៅព្រឹកថ្ងៃទី២៨ ខែកុម្ភៈ ឆ្នាំ២០២២ មូលនិធិក្រុមប្រឹក្សាអាជ្ញាកណ្តាលសហការជាមួយសាកលវិទ្យាល័យឈូ ប្រទេសជប៉ុន បានរៀបចំវេទិកាសំណួរចម្លើយតាមប្រព័ន្ធហ្ស៊ូម សម្រាប់ក្រុមនិស្សិតច្បាប់របស់សាកលវិទ្យាល័យ បន្ទាប់ពីបានទស្សនាវីឌីអូមេរៀនដែលផ្តល់ជូនកាលពីខែធ្នូកន្លងទៅដោយលោក ម៉ែន និម្មិត នាយកប្រតិបត្តិមូលនិធិក្រុមប្រឹក្សាអាជ្ញាកណ្តាល។ លោកនាយកបានឆ្លើយនឹងសំណួរសំខាន់ៗដែលបានលើកឡើងដោយក្រុមនិស្សិត។ ចំណុចសំខាន់ៗដែលបានលើកឡើងក្នុងវេទិកាសំណួរចម្លើយនេះរួមមាន៖ ការធានាបានឯករាជ្យភាព និងក្រមសីលធម៌របស់ក្រុមប្រឹក្សាអាជ្ញាកណ្តាល, ការធ្វើសវនាការ និងការចេញសេចក្តីបង្គាប់, ការយល់ដឹងរបស់ភាគីវិវាទ និងភាគីពាក់ព័ន្ធក្នុងវិស័យការងារអំពីសេចក្តីបង្គាប់, ភាពខុសគ្នានៃសេចក្តីបង្គាប់ជាប់កាតព្វកិច្ច និងមិនជាប់កាតព្វកិច្ច, ទម្រង់នៃវិវាទ និងសំណុំរឿងដែលបានដោះស្រាយញឹកញាប់ដោយក្រុមប្រឹក្សាអាជ្ញាកណ្តាលជាដើម។ មូលនិធិក្រុមប្រឹក្សាអាជ្ញាកណ្តាលជានិច្ចកាលបានសម្របសម្រួលរៀបចំឱ្យមានការចែករំលែកនូវ ចំណេះដឹង និងបទពិសោធទាក់ទងនឹងការដោះសា្រយវិវាទការងារ សម្រាប់អ្នកសិក្សាស្រាវទាំងនៅថ្នាក់ជាតិ និងក្នុងតំបន់ ដើម្បីពង្រីកការយល់ដឹងពីភាពជោគជ័យនៃយន្តការដោះស្រាយវិវាទការងារដោយ ក្រុមប្រឹក្សាអាជ្ញាកណ្តាលនៅកម្ពុជា។

ព័ត៌មាន

និស្សិតច្បាប់សាកលវិទ្យាល័យអាស៊ីអឺរ៉ុបទទួលបានវគ្គបណ្តុះបណ្តាល ស្តីពី នីតិវិធីដោះស្រាយវិវាទការងារ ក្រុមប្រឹក្សាអាជ្ញាកណ្តាល និងតុលាការ

នៅព្រឹកថ្ងៃទី២៤ ខែមីនាឆ្នាំ ឆ្នាំ២០២២ មូល​និធិ​ក្រុម​ប្រឹក្សា​អាជ្ញា​កណ្តាល​ សហ​ការ​​ជា​​មួយ​​សាកល​​វិ​ទ្យា​​ល័យ​​អាស៊ីអ៊ឺរ៉ុប រៀប​ចំ​សិក្ខា​​សាលា​​តាម​​អន​ឡាញ​​​​ស្តីពី “នីតិវិធីដោះស្រាយវិវាទការងារ ក្រុមប្រឹក្សាអាជ្ញាកណ្តាល និងតុលាការ” ដែលមានអ្នក​ចូលរួមចំនួន៣៩នាក់ ជានិស្សិតផ្នែកនីតិសាស្ត្រមកពីមហាវិទ្យាល័យនីតិសាស្រ្ត និងវិទ្យាសាស្រ្តនយោបាយ នៃសាកលវិទ្យាល័យ។ សិក្ខាសាលានេះ មានគោលបំណង លើកកម្ពស់ចំណេះដឹងបន្ថែមដល់និស្សិតច្បាប់អំពី នីតិវិធីនិងដំណើរការដោះស្រាយវិវាទការងាររួមដោយក្រុមប្រឹក្សាអាជ្ញាកណ្តាល និងទំនាក់ទំនងជាមួយតុលាការ ដែលជាចំណេះដឹងមួយដ៏មានសារៈសំខាន់​សម្រាប់​​អ្នក​សិក្សា​និងប្រកបវិជ្ជាជីវៈច្បាប់។   ថ្លែងក្នុងពិធីបើកសិក្ខាសាលា លោក ម៉ែន និម្មិត នាយកប្រតិបត្តិនៃមូលនិធិក្រុមប្រឹក្សាអាជ្ញាកណ្តាល បានគូសបញ្ជាក់ថា ក្រុមប្រឹក្សាអាជ្ញាកណ្តាល គឺជាស្ថាប័នជាតិតែមួយគត់​ដែល​​បាន​ដើរតួនាទីយ៉ាង​​សំខាន់ក្នុងការការពារសិទ្ធិ និងផលប្រយោជន៍​របស់កម្មករនិយោជិត និងនិយោជក ការធានាស្ថេរភាព និងផលិតភាពនៅក្នុងវិស័យការងារទាំងមូលនៅកម្ពុជាក្នុងរយៈពេលជិត២០ ឆ្នាំចុងក្រោយនេះ។ លោកបានបន្ថែមទៀតថា យន្តការដោះស្រាយវិវាទនៅក្រុមប្រឹក្សាអាជ្ញាកណ្តាល …Read More>>>

ព័ត៌មានថ្មីៗ

កិច្ចប្រជុំលើកទី៥៨ របស់ក្រុមប្រឹក្សាភិបាលនៃមូលនិធិក្រុមប្រឹក្សាអាជ្ញាកណ្តាល

ថ្ងៃទី១២ ខែកុម្ភៈ ២០២២៖ កិច្ចប្រជុំលើកទី៥៨ របស់ក្រុមប្រឹក្សាភិបាលនៃមូលនិធិក្រុមប្រឹក្សាអាជ្ញាកណ្តាលបានប្រព្រឹត្តិទៅដោយផ្តោតលើរបៀបវារៈសំខាន់ៗ ដើម្បីពង្រឹងប្រសិទ្ធភាពការងាររបស់មូលនិធិ និងការរៀបចំផែនទីបង្ហាញផ្លូវសម្រាប់និរន្តរភាព និងប្រសិទ្ធភាពនៃការដោះស្រាយវិវាទការងាររបស់ក្រុមប្រឹក្សាអាជ្ញាកណ្តាល។ ក្នុងនោះក្រុមប្រឹក្សាភិបាលក៏បានផ្តល់យោបល់ទៅលើការធ្វើឱ្យមានដំណើរការឡើងវិញគណៈកម្មាធិការប្រឹក្សាយោបល់ផងដែរ។ កិច្ចប្រជុំចាប់ផ្តើមពីម៉ោង ៨.៣០នាទី និងបិទបញ្ចប់នៅម៉ោង ១២.០០រសៀល។ មូលនិធិក្រុមប្រឹក្សាអាជ្ញាកណ្តាលសូមថ្លែងអំណរគុណចំពោះសមាជិកក្រុមប្រឹក្សាភិបាល និងគណៈកម្មការប្រតិបត្តិរបស់មូលនិធិដែលបានចំណាយពេលវេលាដ៏មានតម្លៃរបស់ខ្លួនចូលរួមក្នុងកិច្ចប្រជុំនេះដោយផ្ទាល់នៅការិយាល័យមូលនិធិក្រុមប្រឹក្សាអាជ្ញាកណ្តាល និងតាមរយៈអនឡាញ។

ព័ត៌មាន

មូលនិធិក្រុមប្រឹក្សាអាជ្ញាកណ្តាល សហការជាមួយសាកលវិទ្យាល័យ Chuo ផលិតវីដេអូបង្រៀនសម្រាប់និស្សិតសាកលវិទ្យាល័យនៅប្រទេសជប៉ុន

នៅព្រឹកថ្ងៃទី២៨ ខែធ្នូ ឆ្នាំ២០២១ លោក ម៉ែន និមិ្មត នាយកប្រតិបត្តិនៃមូលនិធិក្រុមប្រឹក្សាអាជ្ញាកណ្តាល បានធ្វើបទបង្ហាញស្តីពីការកសាង និងដំណើរការស្ថាប័នក្រុមប្រឹក្សាអាជ្ញាកណ្តាលកម្ពុជា។ មូលនិធិបានរៀបចំវីដេអូបង្រៀននេះ សម្រាប់និស្សិតមហាវិទ្យាល័យនីតិសាស្រ្តនៃសាកលវិទ្យាល័យ Chuo ដោយមានការជួយសម្របសម្រួលពីអ្នកជំនាញរបស់សាកលវិទ្យាល័យគឺលោកស្រី Ai YOKOSUKA បម្រើការនៅសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច ប្រទេសកម្ពុជា។ ការបង្រៀនតាមវីដេអូនេះត្រូវបានរៀបចំឡើងបន្ទាប់ពីការលុបចោលមួយលើកជាពីរលើកនៃដំណើរទស្សនកិច្ចរបស់និសិ្សតសាកលវិទ្យាល័យនៅក្រុមប្រឹក្សាអាជ្ញាកណ្តាល ដោយសារតែស្ថានភាពកូវីដ-១៩ ។ បទបង្ហាញផ្តោតលើប្រធានបទសំខាន់ៗ រួមមាន៖ ប្រវត្តិនិងការបង្កើតស្ថាប័ន យុត្តាធិការនិងការសម្រេចសេចក្តី រចនាសម្ព័ន្ធនិងមុខងារ ប្រភេទនៃវិវាទការងារ និងលទ្ធផលការងាររបស់ក្រុមប្រឹក្សាអាជ្ញាកណ្តាល។ ដោយផ្អែកលើវីដេអូនេះ សាកលវិទ្យាល័យ Chuo នឹងរៀបចំឱ្យមានវគ្គសំណួរ-ចម្លើយដែលនិស្សិតអាចសួរជាសំណួរមកកាន់នាយកប្រតិបត្តិមូលនិធិក្រុមប្រឹក្សាអាជ្ញាកណ្តាលលើប្រធានបទទាំងនេះ ពីទីក្រុងតូក្យូ ។ វគ្គនេះគ្រោងនឹងធ្វើនៅដើមឆ្នាំក្រោយ។ …Read More>>>

ព័ត៌មាន

វេទិកាត្រីភាគីស្តីពីអនាគតនៃការដោះស្រាយវិវាទការងារដោយក្រុមប្រឹក្សាអាជ្ញាកណ្តាល

នៅ​ថ្ងៃទី១៣​ ខែធ្នូ ឆ្នាំ២០២១​ មូល​និធិ​ក្រុម​ប្រឹក្សា​អាជ្ញា​កណ្តាល​​បាន​សហការ​ជា​មួយ​ក្រសួង​ការងារ​ និង​​បណ្តុះ​បណ្តាល​វិជ្ជាជីវៈ​ និង​អង្គការ​អន្តរ​ជាតិ​ខាង​ការងារ​ (ILO) រៀប​ចំវេទិកា​ត្រី​ភាគី​ស្តីពី​អនាគត​នៃ​ការ​ដោះ​ស្រាយ​វិវាទ​ការងារ​​ដោយ​ក្រុម​ប្រឹក្សា​អាជ្ញា​កណ្តាល​ ដែល​បាន​ប្រព្រឹត្ត​ទៅ​នៅ​សណ្ឋាគារ​ Raffle Le Royal ភ្នំពេញ។ វេទិកានេះ​ មាន​ការចូល​រួម​ពី​​ភាគី​ពាក់​ព័ន្ធ​​ក្នុងទំ​នាក់​ទំនង​វិជ្ជាជីវៈ​​រួមមាន​ តំណាងមក​ពីក្រសួង​ការងារ និង​បណ្តុះ​បណ្តាល​វិជ្ជាជីវៈ សហជីព សមាគមនិយោជក អ្នកបញ្ជារទិញ អាជ្ញាកណ្តាល និងដៃគូអភិវឌ្ឍមួយចំនួនទៀតផងដែរ។ នៅក្នុង​វេទិកា​នេះ ភាគី​ពាក់​ព័ន្ធ​បាន​ទទួល​ស្គាល់​ និង​កោត​សរ​សើរ​ចំពោះ​​សមិទ្ធិផល​​ដែល​​ក្រុមប្រឹក្សាអាជ្ញាកណ្តាល​សម្រេច​បាន និងភាព​ជឿ​ជាក់​បានលើ​ក្រុមប្រឹក្សាអាជ្ញាកណ្តាល​ក្នុង​ការ​ដោះស្រាយវិវាទ​ការងារ​រួម និងការ​រួមចំណែកដល់​​​ការ​លើក​កម្ពស់ទំនាក់ទំនង​វិជ្ជាជីវៈប្រកបដោយសុខដុមរមនានៅកម្ពុជាក្នុងរយៈពេល១៨ឆ្នាំចុងក្រោយនេះ។ កម្មវិធីនេះ បានផ្តល់ជាវេទិកាសម្រាប់ភាគី​ពាក់ព័ន្ធ ធ្វើ​កិច្ចសន្ទនាសង្គម និងពិភាក្សា​ទៅ​លើ​បញ្ហាចំនួន៣ សំខាន់ៗដូចខាងក្រោម៖ ១). ការលើកកម្ពស់ធនធានមនុស្សរបស់​ក្រុម​ប្រឹក្សា​អាជ្ញា​កណ្តាល​ និងមូល​និធិ​ក្រុមប្រឹក្សា​អាជ្ញា​កណ្តាល …Read More>>>

ព័ត៌មាន

និស្សិតច្បាប់មកពីសាកលវិទ្យាល័យភ្នំពេញអន្តរជាតិទទួលបានវគ្គបណ្តុះបណ្តាលស្តីពីនីតិវិធីដោះស្រាយវិវាទការងារ ក្រុមប្រឹក្សាអាជ្ញាកណ្តាល និងតុលាការ

នៅថ្ងៃទី ១០ ខែវិច្ឆិកា ឆ្នាំ២០២១ មូលនិធិក្រុមប្រឹក្សាអាជ្ញាកណ្តាល សហការជាមួយសាកលវិទ្យាល័យភ្នំពេញអន្តរជាតិ រៀបចំសិក្ខាសាលាអនឡាញស្តីពីនីតិវិធីដោះស្រាយវិវាទការងារ ក្រុមប្រឹក្សា​អាជ្ញាកណ្តាល និងតុលាការ ជូនដល់​និស្សិត ច្បាប់នៃសាកលវិទ្យាល័យភ្នំពេញអន្តរជាតិចំនួន ១១០នាក់ ក្នុងនោះស្រ្តី ៤៥នាក់។ នៅក្នុងពិធីបើក លោក ម៉ែន និម្មិត នាយកប្រតិបត្តិ បានផ្តល់កិច្ចស្វាគមន៍ និងគូសបញ្ជាក់ដោយសង្ខេបពីតួនាទី និងឯករាជ្យ ភាពរបស់ក្រុមប្រឹក្សាអាជ្ញាកណ្តាលក្នុងការដោះស្រាយវិវាទការងារ និងការគាំទ្ររបស់មូលនិធិក្រុមប្រឹក្សាអាជ្ញាកណ្តាលនៅក្នុង ដំណើរការការងាររបស់ក្រុមប្រឹក្សាអាជ្ញាកណ្តាល។ លោកស្រី ទេព​ កុលាប សាកលវិទ្យាធិការ បានគូសបញ្ជាក់ពីសារៈសំខាន់ នៃសិក្ខាសាលានេះ ទាំងសម្រាប់រូបលោកស្រីផ្ទាល់ ក៏ដូចជានិស្សិតទាំងអស់ដែលអាចយកជាមូលដ្ឋានសម្រាប់អាជីពការងារ នាពេលខាងមុខដែលមិនអាចខ្វះបាន​ ហើយក៏បានស្នើសុំឱ្យមានការយកចិត្តទុកដាក់ …Read More>>>