ព័ត៌មាន

ចៅក្រម​កម្ពុជា​ចូលរួម​វគ្គសិក្ខាសាលា​ទាក់ទងនឹង​នីតិវិធី​ដោះស្រាយ​វិវាទ​ការងាររួម

នៅថ្ងៃទី២ ខែមីនា ឆ្នាំ២០១៧ មូលនិធិក្រុមប្រឹក្សាអាជ្ញាកណ្ដាល សហការជាមួយនឹងក្រសួងយុត្តិធម៌ បានរៀបចំឡើង សិក្ខាសាលា ស្ដីពី នីតិវិធីដោះស្រាយវិវាទការងាររួម និងទំនាក់ទំនងរវាងក្រុមប្រឹក្សា អាជ្ញាកណ្ដាល និងតុលាការក្នុងការដោះស្រាយវិវាទការងារ ជូនចៅក្រមវិជ្ជាជីវៈ នៅសណ្ឋាគារសាន់វ៉េ រាជធានីភ្នំពេញ​។ ឯកឧត្តម ជិន ម៉ាលីន អនុរដ្ឋលេខាធិការ ក្រសួងយុត្តិធម៌ បានមានប្រសាសន៍ឲ្យដឹងថា សិក្ខាសាលា​នេះគឺជា ផ្នែកមួយនៃផែនការសកម្មភាពក្នុងការធ្វើកំណែទម្រង់ប្រព័ន្ធយុត្តិធម៌នាពេលបច្ចុប្បន្ន។ ជាមួយគ្នានេះ​ លោក ម៉ែន និម្មិត នាយកប្រតិបត្តិ មូលនិធិក្រុមប្រឹក្សាអាជ្ញាកណ្ដាល ក៏បានមានប្រសាសន៍លើកឡើងថា សិក្ខាសាលានេះជាលទ្ធផលដែលទទួលបានពី ​កិច្ចជំនួបពិភាក្សាការងាររវាង គណៈកម្មការប្រឹក្សាយោបល់​អន្តរជាតិ​​​មូលនិធិក្រុមប្រឹក្សា​អាជ្ញាកណ្ដាល ជាមួយនឹង ឯកឧត្តមរដ្ឋមន្ត្រីក្រសួងយុត្តិធម៌​ …Read More>>>

ព័ត៌មាន

វគ្គ​បណ្ដុះ​បណ្ដាលស្ដីពី “ការរៀបចំសំណុំរឿង និងបន្ទុកនៃភស្ដុតាង” ​ជូន​ទៅដល់និយោជិត និងនិយោជក

នៅថ្ងៃទី២ ខែមីនា ឆ្នាំ២០១៧នេះ ​មូលនិធិក្រុមប្រឹក្សាអាជ្ញាកណ្ដាល ​(ACF) បាន​រៀបចំ​វគ្គ​បណ្ដុះ​បណ្ដាលស្ដីពី “ការរៀបចំសំណុំរឿង និងបន្ទុកនៃភស្ដុតាង”  ចំនួនពីរដាច់ពីគ្នា​ជូន​ទៅដល់តំណាងកម្មករនិយោជិត និងតំណាងនិយោជក នៅរាជធានីភ្នំពេញ ដោយ​បាន​អញ្ជើញ​ក្រុម​មេធាវី​ជំនាញ​​​ផ្នែកការងារ​​មក​​ពី​ប្រទេស​អូស្ត្រាលី​​ធ្វើ​ជាវាគ្មិន។ លោក Josh BORNSTEIN ប្រធានក្រុមហ៊ុនមេធាវីច្បាប់ការងារ​ ក្រុមហ៊ុនមេធាវី Maurice Blackburn និងជាជ័យលាភី មេធាវីការងារឆ្នើមប្រចាំឆ្នាំ ២០១៦ ដែល​ធ្វើ​ការ​​តំណាង​ឲ្យ​ប្រយោជន៍​ខាង​សហជីព​កម្មក​រ​ ជាវាគ្មិនក្នុងវគ្គ​បណ្ដុះ​បណ្ដាល ​ជូន​ទៅដល់តំណាងកម្មករ និយោជិត។ វគ្គបណ្ដុះបណ្ដាលមានគោលបំណង​ធ្វើឲ្យ​តំណាង​សហជីព​កម្មករ​ និយោជិត ​មាន​​ការ​​យល់​ដឹងថែម​ទៀត ​​ក្នុង​ការរៀបចំ​សំណុំរឿង​ដោះស្រាយ​វិវាទឲ្យទទួល​បាន​ជោគជ័យ​ ​នៅ​​​ក្រុមប្រឹក្សា​​អាជ្ញាកណ្ដាល​​ ដោយ​​មាន​​ការ​ចែករំលែក​​បទពិសោធន៍​​ពី​​វាគ្មិន​ អំ​ពី​​ការ​​ដោះស្រាយ​វិវាទ​​នៅ​​គណៈកម្មាការ​​យុត្តិធម៌​​ការងារ ​​ប្រទេស​​អូស្ត្រាលី។​​ នៅក្នុងរយៈពេល​បី​ម៉ោង​​សិក្សា​នេះ​ …Read More>>>

ព័ត៌មាន

ក្រុមប្រឹក្សាអាជ្ញាកណ្ដាល និងការរៀបចំច្បាប់ស្តីពីការងារនៅក្នុងសិក្ខាសាលាអាស៊ាន

សិក្ខាសាលានេះផ្តោតការពិភាក្សាលើ “វិធីសាស្រ្ត និងវិធានការសម្រាប់ការស្វែងរកអង្គហេតុនៅក្នុងសំណុំរឿងវិវាទការងារ នៅអាស៊ាន”។ តាងនាមក្រុមប្រឹក្សាអាជ្ញាកណ្តាល អាជ្ញាកណ្តាល អាន វីរៈ បានធ្វើបទបង្ហាញស្តីពីទិដ្ឋភាពរួមនៃនីតិវិធីដោះស្រាយ វិវាទការងារនៅកម្ពុជា ជាពិសេសដំណើរការអាជ្ញាកណ្តាល និងរបៀបប្រមូលអង្គហេតុ និងភស្តុតាងសម្រាប់គាំទ្រដល់ការសេចក្តីសម្រេចរបស់ក្រុមប្រឹក្សាអាជ្ញាកណ្តាល។ បទបង្ហាញនេះបានពិភាក្សាយុត្តាធិការក្រុមប្រឹក្សាអាជ្ញាកណ្តាល និងអំណាចផ្តល់ដោយប្រកាសលេខ ០៩៩ ចេញដោយក្រសួង ការងារ និងបណ្តុះបណ្តាលវិជ្ជាជីវៈ។ តាមរយៈប្រកាសនេះ ក្រុមប្រឹក្សាអាជ្ញាកណ្តាលទទួលបានអំណាចយ៉ាងទូលំទូលាយដើម្បីធ្វើការ ស៊ើបអង្កេត រួមទាំងតម្រូវឲភាគីបង្ហាញឯកសារ ឬព័ត៌មានដែលមានប្រយោជន៍ដល់ការងាររបស់ខ្លួន។ កិច្ចពិភាក្សាក៏បានលើកឡើង អំពីសិទ្ធិរបស់ភាគីក្នុងការពិនិត្យភស្តុតាងដែលដាក់មកក្រុមប្រឹក្សាអាជ្ញាកណ្តាល។ បទបង្ហាញបានទាញចំណាប់អារម្មណ៍របស់អ្នកចូល រួមមកលើទំនាក់ទំនងរវាងក្រុមប្រឹក្សាអាជ្ញាកណ្តាល និងតុលាការ ដែលតុលារការត្រូវអនុវត្តសេចក្តីបង្គាប់ជាស្ថាពរលើកលែងតែមាន ការបដិសេធដូចខាងក្រោម៖ (១) ភាគីមិនបានចូលរួមត្រឹមត្រូវនៅក្នុងការជ្រើសរើសអាជ្ញាកណ្តាល ឬមិនទទួលបានការជូនដំណឹងស្តីពី នីតិវិធីអាជ្ញាកណ្តាល ឬមិនទទួលបានឱកាសសមស្របសម្រាប់បង្ហាញសំណុំរឿងរបស់ខ្លួនឲបានពេញលេញ។ (២) …Read More>>>

ព័ត៌មាន

ភ្នាក់ងារសហរដ្ឋអាមេរិកដើម្បីអភិវឌ្ឍន៍អន្តរជាតិផ្តល់ជំនួយដល់មូលនិធិក្រុមប្រឹក្សាអាជ្ញាកណ្តាល

មូលនិធិក្រុមប្រឹក្សាអាជ្ញាកណ្តាល (ACF) ដោយមានកិច្ចសហការជាមួយភ្នាក់ងារសហរដ្ឋអាមេរិកដើម្បីអភិវឌ្ឍន៍អន្តរជាតិ (USAID) បានរៀបចំពិធីប្រកាសជាផ្លូវការ​ស្តីពីជំនួយឧបត្ថម្ភពីភ្នាក់ងារសហរដ្ឋអាមេរិកដើម្បីអភិវឌ្ឍន៍អន្តរជាតិ (USAID)​ ជូនដល់មូលនិធិក្រុមប្រឹក្សា​អាជ្ញាកណ្តាល លើគម្រោងស្តីពី “ការលើកកម្ពស់​សិទ្ធិការងារ​របស់​ស្រ្តី​និង​បុរស​នៅកម្ពុជា​”។ ថ្លែងទៅកាន់ភ្ញៀវកិត្តិយសក្នុងពិធីប្រកាស លោកស្រី រ៉េបេកកា ប្លេក នាយិកាបេសកកម្ម (USAID) បានថ្លែងថា ថវិកាជំនួយនេះមានរយៈពេល ៣ឆ្នាំ និងជួយដល់ក្រុមប្រឹក្សាអាជ្ញាកណ្តាល ដោះស្រាយវិវាទការងាររវាងកម្មករនិយោជិត​ និងនិយោជក ទាំងក្នុងវិស័យកាត់ដេរសំលៀកបំពាក់ និងវិស័យដទៃទៀតជាច្រើន។ លោកស្រីលើកឡើងថា “មូលនិធិក្រុមប្រឹក្សាអាជ្ញាកណ្តាលជាគំរូល្អមួយសម្រាប់កម្ពុជាក្នុងការលើកកម្ពស់សិទ្ធិកម្មករនិយោជិត និងទំនាក់ទំនងវិជ្ជាជីវៈដែលជាកត្តាចម្បងនៃការធានាដល់ស្ថិរភាព និងការរីកលូតលាស់នៃវិស័យឧស្សាហកម្មនៅកម្ពុជា។” លោក អ៊ិន ខេមរា អគ្គនាយករងអគ្គនាយកដ្ឋានការងារ តំណាងដ៏ខ្ពង់ខ្ពស់របស់ឯកឧត្តមបណ្ឌិត អ៊ិត សំហេង រដ្ឋមន្រ្តីក្រសួងការងារ …Read More>>>

ព័ត៌មាន

ការកំណត់ប្រាក់ឈ្នួលអប្បបរមានៅកម្ពុជា

តើប្រាក់ឈ្នួលអប្បបរមាជាអ្វី? ប្រាក់ឈ្នួលអប្បបរមាគឺជាឈ្នួលការងារ ឬឈ្នួលសេវាកំរិតដោយច្បាប់ជាតិ ដែលនិយោជកត្រូវបើកឲកម្មករ និយោជិត។​ ប្រាក់ឈ្នួលអប្បបរមាខុសពី “ប្រាក់ឈ្នួលសម្រាប់ការរស់នៅ” ដែលមានន័យថាជាប្រាក់ចំណូលអប្បបរមា ដែលកម្មករនិយោជិតម្នាក់ និងអ្នកនៅក្រោមបន្ទុករបស់គាត់ត្រូវការជាចាំបាច់សម្រាប់អាហារ ជម្រក និង សំលៀកបំពាក់។​ នៅកម្ពុជា ប្រាក់ឈ្នូលអប្បបរមាត្រូវបានគេចាត់ថាជា “ប្រាក់ឈ្នួលអប្បបរមា ដែលត្រូវធានាដោយ ច្បាប់”។ មាត្រា ១០៤ នៃច្បាប់ស្តីពីការងារចែងថា ប្រាក់ឈ្នួលអប្បបរមាត្រូវបានរៀបចំឡើងដើម្បី​​ “រ៉ាប់រងកម្មករ និយោជិតគ្រប់រូបឲមានកំពស់ជីវភាពសមរម្យទៅតាមសេចក្តីថ្លៃថ្នូររបស់មនុស្ស”។ ប្រាក់ឈ្នួលអប្បបរមាអាចត្រូវបានកំណត់តាមកំរិតប្រាក់ឈ្នួល ឬប្រាក់សេវាប្រចាំម៉ោង ប្រចាំថ្ងៃ ប្រចាំសប្តាហ៍ ឬប្រចាំខែទាបបំផុត ហើយនៅកម្ពុជា ប្រាក់ឈ្នួលអប្បបរមាត្រូវបានគណនាតាមកំរិតកំណត់នៃប្រាក់ឈ្នួលប្រចាំខែ និង ត្រូវបានរៀបចំឡើងសម្រាប់កម្មករនិយោជិតទាំងអស់នៅក្រោមច្បាប់ស្តីពីការងារ (មាត្រា ១០៧)។ …Read More>>>