Articles by acf_0uz0yy

ទិវាអន្តរជាតិនារី គឺជាព្រឹត្តិការណ៍សកល ដែលធ្វើឡើងដើម្បីរំលឹកពីការតស៊ូទាមទារសិទ្ធិស្មើគ្នា សេរីភាព និងឆ្លុះបញ្ចាំងពីវឌ្ឍនភាព សមិទ្ធផល បញ្ហាប្រឈម និងវិធានការវិជ្ជមាននានា នៅក្នុងការលើកកម្ពស់សមភាពយេនឌ័រ និងបង្កើនភាពអង់អាចដល់ស្ត្រី និងក្មេងស្រីគ្រប់រូប។ សម្រាប់ឆ្នាំ២០២៦ មូលនិធិក្រុមប្រឹក្សាអាជ្ញាកណ្ដាល និងលេខាធិការដ្ឋាននៃក្រុមប្រឹក្សាអាជ្ញាកណ្តាល បន្តចូលរួមអបអរសាទរខួបលើកទី១១៥ ទិវាអន្តរជាតិនារី ៨ មីនា ក្រោមប្រធានបទ “សុខសុវត្ថិភាពសម្រាប់ស្រ្តីនៅកន្លែងធ្វើការ” ។

ភ្នំពេញ៖ នាព្រឹកថ្ងៃពុធ ទី២៥ ខែកុម្ភៈ ឆ្នាំ២០២6 ក្រុមនិស្សិតនៃសាកលវិទ្យាល័យឈូ (Chou University) ប្រទេសជប៉ុន ចំនួន៩នាក់ (ស្រី៦នាក់) ដឹកនាំដោយលោកស្រីសាស្រ្តាចារ្យ Maki Tomita បានមកទស្សនៈកិច្ចផ្ទាល់នៅក្រុមប្រឹក្សាអាជ្ញាកណ្តាល ដើម្បីសិក្សាស្វែងយល់ពីស្ថាប័នក្រុមប្រឹក្សាអាជ្ញាកណ្តាល និងដំណើរការនៃការដោះស្រាយវិវាទការងារដោយក្រុមប្រឹក្សាអាជ្ញាកណ្តាលនៅកម្ពុជា។ លោក កុយ នាម និង​លោកស្រី អាន វីរៈ សមាជិកក្រុមប្រឹក្សាអាជ្ញាកណ្ដាល បានធ្វើការស្វាគមន៍យ៉ាងកក់ក្ដៅចំពោះដំណើរទស្សនៈកិច្ចនេះ និងបានធ្វើបទបង្ហាញស្តីពីស្ថាប័នក្រុមប្រឹក្សាអាជ្ញាកណ្តាល និងដំណើរការដោះស្រាយវិវាទការងារដោយក្រុមប្រឹក្សាអាជ្ញាកណ្តាល។ ​នៅក្នុងដំណើរទស្សនៈកិច្ចនេះ ក្រុមនិស្សិតបានចូលរួមយ៉ាងសកម្ម ដោយបានលើកឡើងសំណួរជាច្រើនទាក់ទងនឹងប្រព័ន្ធនៃការដោះស្រាយវិវាទក្រៅប្រព័ន្ធតុលាការនៅកម្ពុជា ប្រភេទនៃវិវាទ និងការអនុវត្តសេចក្ដីបង្គាប់របស់ក្រុមប្រឹក្សាអាជ្ញាកណ្ដាល។ ​ គួរកត់សម្គាល់ថា នេះជាលើកទី៥ហើយ …Read More>>>

រាជធានីភ្នំពេញ៖ នាថ្ងៃសុក្រ ទី១៣ ខែកុម្ភៈ ឆ្នាំ២០២៦ មូលនិធិក្រុមប្រឹក្សាអាជ្ញាកណ្តាល ក្រោមកិច្ចសហការជាមួយវិទ្យាស្ថានជាតិការងារ នៃក្រសួងការងារ និងបណ្តុះបណ្តាលវិជ្ជាជីវៈ បានរៀបចំវគ្គបណ្ដុះបណ្ដាលស្ដីពី “នីតិវិធីដោះស្រាយវិវាទការងារដោយក្រុមប្រឹក្សាអាជ្ញាកណ្ដាល និងបច្ចេកទេសក្នុងការរៀបចំសំណុំរឿង” ជូនដល់មេធាវី អ្នកគ្រប់គ្រងធនធានមនុស្ស មន្ត្រីអនុលោមច្បាប់ និងបុគ្គលិកមកពីក្រុមហ៊ុនឯកជន និងអង្គការក្រៅរដ្ឋាភិបាល សរុបចំនួន ២៨ នាក់ (ស្ត្រី ១២នាក់)។ វគ្គបណ្ដុះបណ្ដាលនេះ ធ្វើបទបង្ហាញដោយលោក គង់ ផល្លៈ សមាជិកនៃក្រុមប្រឹក្សាអាជ្ញាកណ្តាល លោក ប៉ែន សាវ៉ាត ប្រធានលេខាធិការដ្ឋាននៃក្រុមប្រឹក្សាអាជ្ញាកណ្ដាល និងអ្នកស្រី ស៊ុំ ដានី មន្ត្រីផ្នែកសេវាច្បាប់នៃមូលនិធិក្រុមប្រឹក្សាអាជ្ញាកណ្ដាល។ …Read More>>>

រាជធានីភ្នំពេញ៖ នាព្រឹកថ្ងៃអង្គារ ទី១០ ខែកុម្ភៈ ឆ្នាំ២០២៦ មូលនិធិក្រុមប្រឹក្សាអាជ្ញាកណ្តាលសហការជាមួយសាកលវិទ្យាល័យមេគង្គកម្ពុជា បានរៀបចំ សិក្ខាសាលាស្ដីអំពី “នីតិវិធីដោះស្រាយវិវាទការងារដោយក្រុមប្រឹក្សាអាជ្ញាកណ្ដាល” ជូនដល់និស្សិតដែល កំពុងសិក្សាបរិញ្ញាបត្រ នីតិសាស្រ្តចំនួន ១០៩ នាក់ (ស្រី ៥៦នាក់)។ សិក្ខាសាលានេះធ្វើបទឧទ្ទេសនាមដោយលោកស្រី អាន វីរៈ សមាជិកនៃក្រុមប្រឹក្សាអាជ្ញាកណ្តាល។ តាមរយៈសិក្ខាសាលានេះ សិក្ខាកាមទាំងអស់ បានទទួលចំណេះដឹងនិងបទពិសោធន៍ជាក់ស្ដែងក្នុងការដោះស្រាយវិវាទការងាររួមនៅក្រុមប្រឹក្សាអាជ្ញាកណ្តាល ក៏ដូចជាការដោះស្រាយវិវាទការងារ ក្រៅប្រព័ន្ធតុលាការនៅកម្ពុជា។

រាជធានីភ្នំពេញ៖ នៅថ្ងៃពុធ ទី២១ ខែមករា ឆ្នាំ២០២៦ មូលនិធិក្រុមប្រឹក្សាអាជ្ញាកណ្តាល បានសហការជាមួយសាកលវិទ្យាល័យខរណែល នៃសហរដ្ឋអាមេរិក (Cornell University) រៀបចំវគ្គបណ្តុះបណ្តាលកសាងសមត្ថភាពបុគ្គលិកនៃមូលនិធិក្រុមប្រឹក្សាអាជ្ញាកណ្តាល និងមន្រ្តីលេខាធិការដ្ឋាននៃក្រុមប្រឹក្សាអាជ្ញាកណ្តាល ដោយមានការសម្របសម្រួលដោយលោកសាស្រ្តាចារ្យ រីឆាត ហ្វីនឈ័រ និងសហការី ដែលជាអាជ្ញាកណ្តាលការងារ នៃសហរដ្ឋអាមេរិក។ វគ្គបណ្តុះបណ្តាល ផ្តោតលើប្រធានបទសំខាន់ៗ ដូចខាងក្រោម៖ ១. ការចរចាផ្អែកលើផលប្រយោជន៍ ២. កម្មករនិយោជិតដែលមានការការពារពិសេស (ការអនុវត្តរបស់ប្រទេសកម្ពុជាក្នុងករណីបញ្ចប់កិច្ចសន្យាការងារ) ៣. បច្ចេកទេសសម្របសម្រួល/អាជ្ញាកណ្តាលប្រកបដោយប្រសិទ្ធភាព និងការអនុវត្តសម្រាប់ក្រៅវិស័យកាត់ដេរ ៤. ការដោះស្រាយករណីអតុល្យភាពអំណាចរវាង ភាគី និងវិធីសាស្រ្តក្នុងការសម្រេចចិត្ត ៥. ជជែកពិភាក្សាអំពីបរិវត្តកម្មនៃការគ្រប់គ្រងសំណុំរឿងឌីជីថល …Read More>>>

រាជធានីភ្នំពេញ៖ នៅថ្ងៃពុធ ទី១៤ ខែមករា ឆ្នាំ២០២៦ មូលនិធិក្រុមប្រឹក្សាអាជ្ញាកណ្តាល បានរៀបចំវគ្គបណ្តុះបណ្តាលដើម្បីបន្តកសាងសមត្ថភាពសមាជិកក្រុមប្រឹក្សាអាជ្ញាកណ្តាល មន្រ្តីលេខាធិការដ្ឋាននៃក្រុមប្រឹក្សាអាជ្ញាកណ្តាល និងបុគ្គលិកមូលនិធិក្រុមប្រឹក្សាអាជ្ញាកណ្តាល លើប្រធានបទ “សំណងការខូចខាតកើតចេញពីការមិនអនុវត្តកិច្ចសន្យា” ដែលធ្វើបទឧ្ទេសនាមដោយលោកអាជ្ញាកណ្តាល កុយ នាម និងលោកស្រីអាជ្ញាកណ្តាល អាន វីរៈ។ អ្នកចូលរួមទាំងអស់ ជាពិសេសសមាជិកក្រុមប្រឹក្សាអាជ្ញាកណ្តាល បានចូលរួមពិភាក្សាយ៉ាងផុសផុល និងបានផ្លាស់ប្តូរការយល់ដឹង និងបទពិសោធន៍ទៅវិញទៅមក ដើម្បីជាប្រយោជន៍ក្នុងការដោះស្រាយវិវាទការងារនៅក្រុមប្រឹក្សាអាជ្ញាកណ្តាល ពាក់ព័ន្ធនឹងសំណុំរឿងការមិនអនុវត្តកាតព្វកិច្ចតាមកិច្ចសន្យា។ មូលនិធិក្រុមប្រឹក្សាអាជ្ញាកណ្តាល តែងរៀបចំវគ្គបណ្តុះបណ្តាលជាប្រចាំដើម្បីបន្តកសាងសមត្ថភាពសមាជិកក្រុមប្រឹក្សាអាជ្ញាកណ្តាល មន្រ្តីលេខាធិការដ្ឋាននៃក្រុមប្រឹក្សាអាជ្ញាកណ្តាល និងបុគ្គលិកមូលនិធិក្រុមប្រឹក្សាអាជ្ញាកណ្តាល លើប្រធានបទផ្សេងៗ ដែលមានប្រយោជន៍បន្ថែមទៀតដល់ការដោះស្រាយវិវាទការងារនៅក្រុមប្រឹក្សាអាជ្ញាកណ្តាល។

ភ្នំពេញ៖ នារសៀលថ្ងៃអង្គារ ទី២៣ ខែធ្នូ ឆ្នាំ២០២៥ មូលនិធិក្រុមប្រឹក្សាអាជ្ញាកណ្តាល បានរៀបចំកម្មវិធីចែករំលែកចំណេះដឹង និងបទពិសោធន៍ លើប្រធានបទ “ក្ស័យធន” ដែលធ្វើបទឧ្ទេសនាមដោយអាជ្ញាកណ្តាល អ៊ុក រី ដោយមានការចូលរួមពីសមាជិកនៃក្រុមប្រឹក្សាអាជ្ញាកណ្តាល ចំនួន ៩នាក់ (ស្រី៣នាក់) មន្ត្រីលេខាធិការដ្ឋាននៃក្រុមប្រឹក្សាអាជ្ញាកណ្តាល ចំនួន៣នាក់ (ស្រី១នាក់) និងបុគ្គលិកនៃមូលនិធិក្រុមប្រឹក្សាអាជ្ញាកណ្តាល ចំនួន ២០នាក់ (ស្រី ១១នាក់)។ កម្មវិធីចែករំលែកចំណេះដឹង និងបទពិសោធន៍នេះ គ្របដណ្តប់លើចំណុចសំខាន់ៗ ដូចខាងក្រោម៖ ១) និយមន័យក្ស័យធន ២) នីតិវិធីនៃការបើកសំណុំរឿង និងបិទសំណុំរឿងក្ស័យធន ៣) …Read More>>>

យុទ្ធនាការ “១៦ ថ្ងៃ បញ្ឈប់អំពើហិង្សាលើស្រ្តី និងក្មេងស្រី” គឺជាយុទ្ធនាការអន្តរជាតិប្រចាំឆ្នាំមួយ ធ្វើឡើងចាប់ពីថ្ងៃទី២៥ ខែវិច្ឆិកា ដល់ថ្ងៃទី១០ ខែធ្នូ ជារៀងរាល់ឆ្នាំ ដើម្បីលើកកម្ពស់ការយល់ដឹង និងបញ្ចប់អំពើហិង្សាលើស្ត្រី និងក្មេងស្រី។ សម្រាប់ឆ្នាំ២០២៥ មូលនិធិក្រុមប្រឹក្សាអាជ្ញាកណ្ដាល និងលេខាធិការដ្ឋាននៃក្រុមប្រឹក្សាអាជ្ញាកណ្តាល បន្តចូលរួមនៅក្នុងយុទ្ធនាការអន្តរជាតិនេះ តាមរយៈការរៀបចំសកម្មភាពក្នុងចំណោមបុគ្គលិកនៃមូលនិធិ និងមន្ត្រីលេខាធិការដ្ឋាននៃក្រុមប្រឹក្សាអាជ្ញាកណ្តាល ដើម្បីបង្ហាញការប្តេជ្ញាចិត្តរួមគ្នា ក្នុងការលុបបំបាត់អំពើហិង្សាគ្រប់ទម្រង់លើស្ត្រី និងក្មេងស្រីក្រោមប្រធានបទ “រួមគ្នាបញ្ឈប់អំពើហិង្សាតាមបច្ចេកវិទ្យាឌីជីថលលើស្ត្រី និងក្មេងស្រី “។

កំពង់ស្ពឺ៖ នាថ្ងៃសុក្រ ទី២១ ខែវិច្ឆិកា ឆ្នាំ២០២៥ មូលនិធិក្រុមប្រឹក្សាអាជ្ញាកណ្តាលបានសហការជាមួយ មន្ទីរការងារ និងបណ្ដុះបណ្ដាលវិជ្ជាជីវៈខេត្តកំពង់ស្ពឺ ក្នុងការរៀបចំវគ្គបណ្ដុះបណ្ដាលស្ដីពី “នីតិវិធីដោះស្រាយវិវាទការងារដោយក្រុមប្រឹក្សាអាជ្ញាកណ្ដាល និងបច្ចេកទេសក្នុងការរៀបចំសំណុំរឿង” ជូនដល់សហជីព និងតំណាងនិយោជក មកពីរោងចក្រសហគ្រាស និងមន្ត្រីមន្ទីរការងារ និងបណ្ដុះបណ្ដាលវិជ្ជាជីវៈខេត្តកំពង់ស្ពឺសរុបចំនួន ២៨នាក់ (ស្ត្រី ១០ នាក់)។ វគ្គបណ្ដុះបណ្ដាលនេះ សម្របសម្រួលដោយលោកអាជ្ញាកណ្ដាល ម៉ា សំបូរណា ជាសមាជិកនៃក្រុមប្រឹក្សាអាជ្ញាកណ្តាល លោកស្រី គង់ សុវាចា មន្ត្រីលេខាធិការដ្ឋាននៃក្រុមប្រឹក្សាអាជ្ញាកណ្ដាល និងអ្នកស្រី ហ៊ុយ សម្បត្តិ មន្ត្រីជាន់ខ្ពស់ផ្នែកសេវាច្បាប់ នៃមូលនិធិក្រុមប្រឹក្សាអាជ្ញាកណ្ដាល។ តាមរយៈវគ្គបណ្ដុះបណ្ដាល …Read More>>>